ٹاپ 5 اردو شاعری| ریختہ

اک بار اس نے مجھ کو دیکھا تھا مسکرا کر

اتنی تو ہے حقیقت باقی کہانیاں ہیں

میلہ رام وفاؔ

داغ دنیا نے دیے زخم زمانے سے ملے

ہم کو تحفے یہ تمہیں دوست بنانے سے ملے

کیفؔ بھوپالی

ایک اک بات میں سچائی ہے اس کی لیکن

اپنے وعدوں سے مکر جانے کو جی چاہتا ہے

کفیل آزر امروہوی

دیکھیں قریب سے بھی تو اچھا دکھائی دے

اک آدمی تو شہر میں ایسا دکھائی دے

ظفر گورکھپوری

ہزاروں کام محبت میں ہیں مزے کے داغؔ

جو لوگ کچھ نہیں کرتے کمال کرتے ہیں

داغؔ دہلوی

آج کے منتخب ۵ شعر