agar sach itnā zālim hai to ham se jhuuT hī bolo

hameñ aatā hai patjhaḌ ke dinoñ gul-bār ho jaanā

agar sach itna zalim hai to hum se jhuT hi bolo

hamein aata hai patjhaD ke dinon gul-bar ho jaana

jis kī jānib 'adā' nazar na uThī

haal us kā bhī mere haal sā thā

jis ki jaanib 'ada' nazar na uThi

haal us ka bhi mere haal sa tha

ḳhazīne jaañ ke luTāne vaale diloñ meñ basne kī aas le kar

sunā hai kuchh log aise guzre jo ghar se aa.e na ghar ga.e haiñ

KHazine jaan ke luTane wale dilon mein basne ki aas le kar

suna hai kuchh log aise guzre jo ghar se aae na ghar gae hain

mastī bharī havāoñ ke jhoñke na pūchhiye

fitrat hai aaj sāġhar-o-mīnā liye hue

masti bhari hawaon ke jhonke na puchhiye

fitrat hai aaj saghar-o-mina liye hue

sadiyoñ se mire paañv tale jannat-e-insāñ

maiñ jannat-e-insāñ kā patā DhūñDh rahī huuñ

sadiyon se mere panw tale jannat-e-insan

main jannat-e-insan ka pata DhunDh rahi hun