is daur kī taḳhlīq bhī kyā shīshagarī hai

har ā.īne meñ aadmī ulTā nazar aa.e

is daur ki taKHliq bhi kya shishagari hai

har aaine mein aadmi ulTa nazar aae

jab purānā lahja kho detā hai apnī tāzgī

ik na.ī tarz-e-navā ījād kar lete haiñ ham

jab purana lahja kho deta hai apni tazgi

ek nai tarz-e-nawa ijad kar lete hain hum

pahchān lo us ko vahī qātil hai hamārā

jis haath meñ TuuTī huī talvār lage hai

pahchan lo us ko wahi qatil hai hamara

jis hath mein TuTi hui talwar lage hai

rahnā tum chāhe jahāñ ḳhabroñ meñ aate rahnā

ham ko ehsās-e-judā.ī se bachāte rahnā

rahna tum chahe jahan KHabron mein aate rahna

hum ko ehsas-e-judai se bachate rahna

vo to kahiye aaj bhī zanjīr meñ jhankār hai

varna kis ko yaad rah jaatī hai dīvānoñ kī baat

wo to kahiye aaj bhi zanjir mein jhankar hai

warna kis ko yaad rah jati hai diwanon ki baat