dard-e-dil aur jān-levā pursisheñ

ek bīmārī kī sau bīmāriyāñ

dard-e-dil aur jaan-lewa pursishen

ek bimari ki sau bimariyan

ham ne be-intihā vafā kar ke

be-vafāoñ se intiqām liyā

hum ne be-intiha wafa kar ke

be-wafaon se intiqam liya

qismat meñ ḳhushī jitnī thī huī aur ġham bhī hai jitnā honā hai

ghar phūñk tamāshā dekh chuke ab jañgal jañgal ronā hai

qismat mein KHushi jitni thi hui aur gham bhi hai jitna hona hai

ghar phunk tamasha dekh chuke ab jangal jangal rona hai

samajh to ye ki na samjhe ḳhud apnā rañg-e-junūñ

mizāj ye ki zamāna mizāj-dāñ hotā

samajh to ye ki na samjhe KHud apna rang-e-junun

mizaj ye ki zamana mizaj-dan hota

un ke sitam bhī kah nahīñ sakte kisī se ham

ghuT ghuT ke mar rahe haiñ ajab bebasī se ham

un ke sitam bhi kah nahin sakte kisi se hum

ghuT ghuT ke mar rahe hain ajab bebasi se hum