dhuup ke bādal baras kar jā chuke the aur maiñ

oḌh kar shabnam kī chādar chhat pe soyā raat bhar

dhup ke baadal baras kar ja chuke the aur main

oDh kar shabnam ki chadar chhat pe soya raat bhar

rāsta sunsān thā to muḌ ke dekhā kyuuñ nahīñ

mujh ko tanhā dekh kar us ne pukārā kyuuñ nahīñ

rasta sunsan tha to muD ke dekha kyun nahin

mujh ko tanha dekh kar us ne pukara kyun nahin

hamāre biich vo chup-chāp baiThā rahtā hai

maiñ sochtā huuñ magar kuchh mujhe patā na lage

hamare bich wo chup-chap baiTha rahta hai

main sochta hun magar kuchh mujhe pata na lage

dostoñ ke saath din meñ baiTh kar hañstā rahā

apne kamre meñ vo jā kar ḳhuub royā raat bhar

doston ke sath din mein baiTh kar hansta raha

apne kamre mein wo ja kar KHub roya raat bhar

silsila rone kā sadiyoñ se chalā aatā hai

koī aañsū mirī palkoñ pe Thahartā hī nahīñ

silsila rone ka sadiyon se chala aata hai

koi aansu meri palkon pe Thaharta hi nahin

koī dīvār salāmat hai na ab chhat merī

ḳhāna-e-ḳhasta kī sūrat huī hālat merī

koi diwar salamat hai na ab chhat meri

KHana-e-KHasta ki surat hui haalat meri

kisī tarah na tilism-e-sukūt TuuT sakā

vo de rahā thā bahut duur se sadā mujh ko

kisi tarah na tilism-e-sukut TuT saka

wo de raha tha bahut dur se sada mujh ko

maiñ ne apnī ḳhvāhishoñ kā qatl ḳhud hī kar diyā

haath ḳhūn-ālūd haiñ in ko abhī dhoyā nahīñ

main ne apni KHwahishon ka qatl KHud hi kar diya

hath KHun-alud hain in ko abhi dhoya nahin

hazār baar nigāhoñ se chuum kar dekhā

laboñ pe us ke vo pahlī sī ab miThās nahīñ

hazar bar nigahon se chum kar dekha

labon pe us ke wo pahli si ab miThas nahin

apnā makān bhī thā usī moḌ par magar

jaane maiñ kis ḳhayāl meñ auroñ ke ghar gayā

apna makan bhi tha usi moD par magar

jaane main kis KHayal mein auron ke ghar gaya

na dasht o dar se alag thā na jañgaloñ se judā

vo apne shahr meñ rahtā thā phir bhī tanhā thā

na dasht o dar se alag tha na jangalon se juda

wo apne shahr mein rahta tha phir bhi tanha tha

pheñkā thā kis ne sañg-e-havas raat ḳhvāb meñ

phir DhūñDhtī hai niiñd usī pichhle pahr ko

phenka tha kis ne sang-e-hawas raat KHwab mein

phir DhunDhti hai nind usi pichhle pahr ko