عتیق اللہ کی شاعری

آئنہ آئنہ تیرتا کوئی عکس

اور ہر خواب میں دوسرا خواب ہے

موضوعات : آئینہ
اور 1 مزید
- خواب

کچھ بدن کی زبان کہتی تھی

آنسوؤں کی زبان میں تھا کچھ

ذرا سے رزق میں برکت بھی کتنی ہوتی تھی

اور اک چراغ سے کتنے چراغ جلتے تھے

وہ رات نیند کی دہلیز پر تمام ہوئی

ابھی تو خواب پہ اک اور خواب دھرنا تھا

ریل کی پٹری نے اس کے ٹکڑے ٹکڑے کر دیئے

آپ اپنی ذات سے اس کو بہت انکار تھا

اس گلی سے اس گلی تک دوڑتا رہتا ہوں میں

رات اتنی ہی میسر ہے سفر اتنا ہی ہے

لمس کی شدتیں محفوظ کہاں رہتی ہیں

جب وہ آتا ہے کئی فاصلے کر جاتا ہے

فضا میں ہاتھ تو اٹھے تھے ایک ساتھ کئی

کسی کے واسطے کوئی دعا نہ کرتا تھا

ہر منظر کے اندر بھی اک منظر ہے

دیکھنے والا بھی تو ہو تیار مجھے

کس کے پیروں کے نقش ہیں مجھ میں

میرے اندر یہ کون چلتا ہے

کسی اک زخم کے لب کھل گئے تھے

میں اتنی زور سے چیخا نہیں تھا

ہم زمیں کی طرف جب آئے تھے

آسمانوں میں رہ گیا تھا کچھ

یہ دیکھا جائے وہ کتنے قریب آتا ہے

پھر اس کے بعد ہی انکار کر کے دیکھا جائے

تم نے تو فقط اس کی روایت ہی سنی ہے

ہم نے وہ زمانہ بھی گزرتے ہوئے دیکھا

اپنے سوکھے ہوئے گلدان کا غم ہے مجھ کو

آنکھ میں اشک کا قطرہ بھی نہیں ہے کوئی

مجھ میں خود میری عدم موجودگی شامل رہی

ورنہ اس ماحول میں جینا بڑا دشوار تھا

کہاں پہنچ کے حدیں سب تمام ہوتی ہیں

اس آسمان سے نیچے اتر کے دیکھا جائے

پانی تھا مگر اپنے ہی دریا سے جدا تھا

چڑھتے ہوئے دیکھا نہ اترتے ہوئے دیکھا

کوئی شب ڈھونڈتی تھی مجھ کو اور میں

تری نیندوں میں جا کر سو گیا تھا

بڑی چیز ہے یہ سپردگی کا مہین پل

نہ سمجھ سکو تو مجھے گنوا کے بھی دیکھنا

وہ بات تھی تو کئی دوسرے سبب بھی تھے

یہ بات ہے تو سبب دوسرا نہیں ہوگا

خوابوں کی کرچیاں مری مٹھی میں بھر نہ جائے

آئندہ لمحہ اب کے بھی یوں ہی گزر نہ جائے

دن کے ہنگامے جلا دیتے ہیں مجھ کو ورنہ

صبح سے پہلے کئی مرتبہ مر جاتا ہوں

ابھی تو کانٹوں بھری جھاڑیوں میں اٹکا ہے

کبھی دکھائی دیا تھا ہرا بھرا وہ بھی

یہ راہ طلب یارو گمراہ بھی کرتی ہے

سامان اسی کا تھا جو بے سر و ساماں تھا

ترے فلک ہی سے ٹوٹنے والی روشنی کے ہیں عکس سارے

کہیں کہیں جو چمک رہے ہیں حروف میری عبارتوں میں

سفر گرفتہ رہے کشتگان نان و نمک

ہمارے حق میں کوئی فیصلہ نہ کرتا تھا

کچھ اور دن ابھی اس جا قیام کرنا تھا

یہاں چراغ وہاں پر ستارہ دھرنا تھا

عتیق اللہ

تمام

تعارف

ای-کتاب28

مضمون1

شعر28

غزل33

نظم6

ویڈیو 1

ای-کتاب28

عتیق اللہ کے اشعار

Recitation

join rekhta family!

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books