koī kirdār adā kartā hai qīmat is kī

jab kahānī ko nayā moḌ diyā jaatā hai

koi kirdar ada karta hai qimat is ki

jab kahani ko naya moD diya jata hai

jo merā jhuuT hai akasr mire andar nikaltā hai

jise kam-tar samajhtā huuñ vahī behtar nikaltā hai

jo mera jhuT hai akasr mere andar nikalta hai

jise kam-tar samajhta hun wahi behtar nikalta hai

ḳhūbsūrat hai sirf bāhar se

ye imārat bhī aadmī sī hai

KHubsurat hai sirf bahar se

ye imarat bhi aadmi si hai

chārasāzo mirā ilaaj karo

aaj kuchh dard meñ kamī sī hai

chaarasazo mera ilaj karo

aaj kuchh dard mein kami si hai

mohtaram kah ke mujhe us ne pashemān kiyā

koī pahlū na milā jab mirī rusvā.ī kā

mohtaram kah ke mujhe us ne pasheman kiya

koi pahlu na mila jab meri ruswai ka

mujh ko har samt le ke jaatā hai

ek imkān tere hone kā

mujh ko har samt le ke jata hai

ek imkan tere hone ka

kisī buzdil kī sūrat ghar se ye bāhar nikaltā hai

mirā ġhussa kisī kamzor ke uupar nikaltā hai

kisi buzdil ki surat ghar se ye bahar nikalta hai

mera ghussa kisi kamzor ke upar nikalta hai