nazar na aa.ī kabhī phir vo gaañv kī gorī

agarche mil ga.e dehāt aa ke shahroñ se

nazar na aai kabhi phir wo ganw ki gori

agarche mil gae dehat aa ke shahron se

tulū hogā abhī koī āftāb zarūr

dhuāñ uThā hai sar-e-shām phir charāġhoñ se

tulu hoga abhi koi aaftab zarur

dhuan uTha hai sar-e-sham phir charaghon se

aao mil baiTh kar hañseñ boleñ

nahīñ ma.alūm kab judā ho jaa.eñ

aao mil baiTh kar hansen bolen

nahin malum kab juda ho jaen

tundī-e-sail-e-vaqt meñ ye bhī hai koī zindagī

sub.h huī to jī uThe, raat huī to mar ga.e

tundi-e-sail-e-waqt mein ye bhi hai koi zindagi

subh hui to ji uThe, raat hui to mar gae

utar ke nīche kabhī mere saath bhī to chalo

buland khiḌkiyoñ se kab talak pukāroge

utar ke niche kabhi mere sath bhi to chalo

buland khiDkiyon se kab talak pukaroge

jo pā liyā tujhe maiñ ḳhud ko DhūñDne niklā

tumhāre qurb ne bhī zaḳhm-e-nā-rasā.ī diyā

jo pa liya tujhe main KHud ko DhunDne nikla

tumhaare qurb ne bhi zaKHm-e-na-rasai diya