daryāft kar ke ḳhud ko zamāne se duur huuñ

har shaḳhs bā-shu.ūr hai maiñ be-shu.ūr huuñ

daryaft kar ke KHud ko zamane se dur hun

har shaKHs ba-shuur hai main be-shuur hun

ik saaya sharmātā lajātā raah meñ tanhā chhoḌ gayā

maiñ parchhā.īñ DhūñD rahā huuñ TuuTī huī dīvāroñ par

ek saya sharmata lajata rah mein tanha chhoD gaya

main parchhain DhunD raha hun TuTi hui diwaron par

yuuñ zindagī guzar rahī hai merī

jo un kī hai vahī ḳhushī hai merī

yun zindagi guzar rahi hai meri

jo un ki hai wahi KHushi hai meri

zāhirī shakl merī zinda hai

aur andar se mar gayā huuñ maiñ

zahiri shakl meri zinda hai

aur andar se mar gaya hun main

kaun dekhegā mujh meñ ab chehra

ā.īna thā bikhar gayā huuñ maiñ

kaun dekhega mujh mein ab chehra

aaina tha bikhar gaya hun main

in añdheroñ se pare is shab-e-ġham se aage

ik na.ī sub.h bhī hai shām-e-alam se aage

in andheron se pare is shab-e-gham se aage

ek nai subh bhi hai sham-e-alam se aage

vo tere bichhaḌne kā samāñ yaad jab aayā

biite hue lamhoñ ko sisakte hue dekhā

wo tere bichhaDne ka saman yaad jab aaya

bite hue lamhon ko sisakte hue dekha