rahtī hai saath saath koī ḳhush-gavār yaad

tujh se bichhaḌ ke terī rifāqat ga.ī nahīñ

rahti hai sath sath koi KHush-gawar yaad

tujh se bichhaD ke teri rifaqat gai nahin

bhuul jaanā thā jise sabt hai dil par mere

yaad rakhnā thā jise us ko bhulā baiThā huuñ

bhul jaana tha jise sabt hai dil par mere

yaad rakhna tha jise us ko bhula baiTha hun

haañ ye mumkin hai magar itnā zarūrī bhī nahīñ

jo koī pyaar meñ haarā vahī fankār huā

han ye mumkin hai magar itna zaruri bhi nahin

jo koi pyar mein haara wahi fankar hua

lagtā hai zinda rahne kī hasrat ga.ī nahīñ

mar ke bhī saañs lene kī aadat ga.ī nahīñ

lagta hai zinda rahne ki hasrat gai nahin

mar ke bhi sans lene ki aadat gai nahin

zamāne ke darbār meñ dast-basta huā hai

ye dil us pe maa.il magar rafta rafta huā hai

zamane ke darbar mein dast-basta hua hai

ye dil us pe mail magar rafta rafta hua hai