ābād bastiyāñ thiiñ fasīloñ ke saa.e meñ

aapas meñ bastiyoñ ko milātā huā hisār

aabaad bastiyan thin fasilon ke sae mein

aapas mein bastiyon ko milata hua hisar

bhuul jaanā thā jise sabt hai dil par mere

yaad rakhnā thā jise us ko bhulā baiThā huuñ

bhul jaana tha jise sabt hai dil par mere

yaad rakhna tha jise us ko bhula baiTha hun

lagtā hai zinda rahne kī hasrat ga.ī nahīñ

mar ke bhī saañs lene kī aadat ga.ī nahīñ

lagta hai zinda rahne ki hasrat gai nahin

mar ke bhi sans lene ki aadat gai nahin

palaT ke aa.e na aa.e koī sune na sune

sadā kā kaam fazāoñ meñ gūñjte tak hai

palaT ke aae na aae koi sune na sune

sada ka kaam fazaon mein gunjte tak hai

yahī bahut hai kisī tarah se bharam hī rah jaa.e pesh duniyā

agar mayassar nahīñ hai baada ḳhayāl-e-bāda bhī kam nahīñ hai

yahi bahut hai kisi tarah se bharam hi rah jae pesh duniya

agar mayassar nahin hai baada KHayal-e-baada bhi kam nahin hai