بیس برس سے اک تارے پر من کی جوت جگاتا ہوں

دیوالی کی رات کو تو بھی کوئی دیا جلایا کر

بات کرنا ہے کرو سامنے اتراؤ نہیں

جو نہیں جانتے اس بات کو سمجھاؤ نہیں

قریب دیکھ کے اس کو یہ بات کس سے کہوں

خیال دل میں جو آیا گناہ جیسا تھا

ہونٹ کی سرخی جھانک اٹھتی ہے شیشے کے پیمانوں سے

مٹی کے برتن میں پانی پی کر پیاس بجھایا کر

مجھی سے پوچھ رہا تھا مرا پتا کوئی

بتوں کے شہر میں موجود تھا خدا کوئی

سوکھے پتے سب اکٹھے ہو گئے ہیں

راستے میں ایک دیوار آ گئی ہے

ماجدؔ نے بیراگ لیا ہے کوئی ایسی بات نہیں

ادھر ادھر کی باتیں کر کے لوگوں کو سمجھایا کر

انسان میں کیا بھرا ہوا ہے

ہونٹوں سے دماغ تک سلے ہیں

لوہے اور پتھر کی ساری تصویریں مٹ جائیں گی

کاغذ کے پردے پر ہم نے سب کے روپ جمائے ہیں

اندھے موڑ کو جو بھی کاٹے آہستہ گزرے

سائکلیں ٹکرا جاتی ہیں اکثر موٹر سے