ساری دنیا یہ سمجھتی ہے کہ سودائی ہے

اب مرا ہوش میں آنا تری رسوائی ہے

قتل حسین اصل میں مرگ یزید ہے

اسلام زندہ ہوتا ہے ہر کربلا کے بعد

توحید تو یہ ہے کہ خدا حشر میں کہہ دے

یہ بندہ زمانے سے خفا میرے لیے ہے

نہ نماز آتی ہے مجھ کو نہ وضو آتا ہے

سجدہ کر لیتا ہوں جب سامنے تو آتا ہے

وہی دن ہے ہماری عید کا دن

جو تری یاد میں گزرتا ہے

دور حیات آئے گا قاتل قضا کے بعد

ہے ابتدا ہماری تری انتہا کے بعد

شکوہ صیاد کا بے جا ہے قفس میں بلبل

یاں تجھے آپ ترا طرز فغاں لایا ہے

تجھ سے کیا صبح تلک ساتھ نبھے گا اے عمر

شب فرقت کی جو گھڑیوں کا گزرنا ہے یہی

ہر سینہ آہ ہے ترے پیکاں کا منتظر

ہو انتخاب اے نگہ یار دیکھ کر

قید اور قید بھی تنہائی کی

شرم رہ جائے شکیبائی کی