ġham-o-karb-o-alam se duur apnī zindagī kyuuñ ho

yahī jiine kā sāmāñ haiñ to phir in meñ kamī kyuuñ ho

gham-o-karb-o-alam se dur apni zindagi kyun ho

yahi jine ka saman hain to phir in mein kami kyun ho

usī ko ham samajh lete haiñ apnā sādgī dekho

jo apne saath rāh-e-shauq meñ do gaam aatā hai

usi ko hum samajh lete hain apna sadgi dekho

jo apne sath rah-e-shauq mein do gam aata hai

ġham na apnā na ab ḳhushī apnī

ya.anī duniyā badal ga.ī apnī

gham na apna na ab KHushi apni

yani duniya badal gai apni

kahāñ rah jaa.e thak kar rah-navard-e-ġham ḳhudā jaane

hazāroñ manzileñ haiñ manzil-e-ārām aane tak

kahan rah jae thak kar rah-naward-e-gham KHuda jaane

hazaron manzilen hain manzil-e-aram aane tak

jab se fareb-e-zīst meñ aane lagā huuñ maiñ

ḳhud apnī mushkiloñ ko baḌhāne lagā huuñ maiñ

jab se fareb-e-zist mein aane laga hun main

KHud apni mushkilon ko baDhane laga hun main

ġhubār-e-zindagī meñ lailā-e-maqsūd kyā ma.anī

vo dīvāne haiñ jo is gard ko mahmil samajhte haiñ

ghubar-e-zindagi mein laila-e-maqsud kya mani

wo diwane hain jo is gard ko mahmil samajhte hain

jis ne jī bhar ke tajallī ko kabhī dekhā ho

koī aisā bhī tirī jalva-gah-e-nāz meñ hai

jis ne ji bhar ke tajalli ko kabhi dekha ho

koi aisa bhi teri jalwa-gah-e-naz mein hai

talāsh-e-sūrat-e-taskīñ na kar auhām-hasatī meñ

dil-e-mahzūñ bahal saktā nahīñ is naqsh-e-bātil se

talash-e-surat-e-taskin na kar auham-hasati mein

dil-e-mahzun bahal sakta nahin is naqsh-e-baatil se