بعد میں رکھے سرابوں کے دیاروں میں قدم

پہلے وہ سانس کی سرحد پہ تو آ کر دیکھے

زمین پھیل گئی ہے ہماری روح تلک

جہاں کا شور اب اندر سنائی دیتا ہے

کسی نے ہم کو عطا نہیں کی ہماری گردش ہے اپنی گردش

خود اپنی مرضی سے اس جہاں کی رگوں میں گرداب ہم ہوئے ہیں

کبھی تو منظروں کے اس طلسم سے ابھر سکوں

کھڑا ہوں دل کی سطح پر خود اپنے انتظار میں

خدا کی خموشی میں شاید ہو اس کا وجود

زمانہ ہوا نام اپنا پکارے ہوئے

یہیں پر ختم ہونی چاہیئے تھی ایک دنیا

یہیں سے بات کا آغاز ہونا چاہیئے تھا

بس لہو کی بوند تھی احساس میں

پھر اگایا دشت نے اک سر نیا