bahut ġhurūr thā biphre hue samundar ko

magar jo dekhā mire āñsuoñ se kam-tar thā

bahut ghurur tha biphre hue samundar ko

magar jo dekha mere aansuon se kam-tar tha

khiḌkiyāñ khol luuñ har shaam yūñhī sochoñ kī

phir usī raah se yādoñ ko guzartā dekhūñ

khiDkiyan khol lun har sham yunhi sochon ki

phir usi rah se yaadon ko guzarta dekhun

ḳhvāb aur nīndoñ kā ḳhatm ho gayā rishta

muddatoñ se āñkhoñ meñ rat-jagoñ kā mausam hai

KHwab aur nindon ka KHatm ho gaya rishta

muddaton se aankhon mein rat-jagon ka mausam hai

mehr-o-vafā ḳhulūs-e-tamannā milan kī aas

kuchh kam nahīñ ki ham ne ye motī bachā liye

mehr-o-wafa KHulus-e-tamanna milan ki aas

kuchh kam nahin ki hum ne ye moti bacha liye

nigāh o dil meñ vahī karbalā kā manzar thā

maiñ tishna-lab thī mire sāmne samundar thā

nigah o dil mein wahi karbala ka manzar tha

main tishna-lab thi mere samne samundar tha