ik nadī meñ saikḌoñ dariyā kī tuġhyānī milī

Dūbne vaale ko mar jaane kī āsānī milī

ek nadi mein saikDon dariya ki tughyani mili

Dubne wale ko mar jaane ki aasani mili

saaf jazboñ ke havāle se to ġham haiñ lekin

ek lamhe kī ḳhushī ek sadī rahtī hai

saf jazbon ke hawale se to gham hain lekin

ek lamhe ki KHushi ek sadi rahti hai

jald manzil tak pahuñchne kā junūñ us ko rahā

zindagī bhar is liye rasta badaltā rah gayā

jald manzil tak pahunchne ka junun us ko raha

zindagi bhar is liye rasta badalta rah gaya

jīvan kā sañgīt achānak antim sur ko chhū letā hai

hañstā hī rahtā hai phir bhī mere andar marne vaalā

jiwan ka sangit achanak antim sur ko chhu leta hai

hansta hi rahta hai phir bhi mere andar marne wala

dekh lete haiñ andhere meñ bhī rasta apnā

sham.a ehsās ke mānind jalī rahtī hai

dekh lete hain andhere mein bhi rasta apna

shama ehsas ke manind jali rahti hai

ujālā apne gharauñde meñ rah gayā to raat

kahāñ qayām karegī kahāñ se guzregī

ujala apne gharaunde mein rah gaya to raat

kahan qayam karegi kahan se guzregi

kyā jaane kab dhartī par sailāb kā manzar ho jaa.e

har-dam ye majbūr nigāheñ varshā kartī rahtī haiñ

kya jaane kab dharti par sailab ka manzar ho jae

har-dam ye majbur nigahen warsha karti rahti hain

baat pahuñche samā.at ko tāsīr de kis tarah

lafz haiñ aur lafzoñ meñ zor-e-bayānī nahīñ

baat pahunche samaat ko tasir de kis tarah

lafz hain aur lafzon mein zor-e-bayani nahin