ābād mujh meñ tere sivā aur kaun hai?

tujh se bichhaḌ rahā huuñ tujhe kho nahīñ rahā

aabaad mujh mein tere siwa aur kaun hai?

tujh se bichhaD raha hun tujhe kho nahin raha

kyā batā.ūñ ki jo hañgāma bapā hai mujh meñ

in dinoñ koī bahut saḳht ḳhafā hai mujh meñ

kya bataun ki jo hangama bapa hai mujh mein

in dinon koi bahut saKHt KHafa hai mujh mein

rāz-e-haq faash huā mujh pe bhī hote hote

ḳhud tak aa hī gayā 'irfān' bhaTaktā huā maiñ

raaz-e-haq fash hua mujh pe bhi hote hote

KHud tak aa hi gaya 'irfan' bhaTakta hua main

us kī ḳhvāhish pe tum ko bharosā bhī hai us ke hone na hone kā jhagḌā bhī hai

lutf aayā tumheñ gumrahī ne kahā gumrahī ke liye ek taaza ġhazal

us ki KHwahish pe tum ko bharosa bhi hai us ke hone na hone ka jhagDa bhi hai

lutf aaya tumhein gumrahi ne kaha gumrahi ke liye ek taza ghazal

yūñhī rukā thā dam lene ko, tum ne kyā samjhā?

haar nahīñ maanī thī bas sustāne baiThā thā

yunhi ruka tha dam lene ko, tum ne kya samjha?

haar nahin mani thi bas sustane baiTha tha