ham ne kitne dhoke meñ sab jīvan kī barbādī kī

gaal pe ik til dekh ke un ke saare jism se shādī kī

hum ne kitne dhoke mein sab jiwan ki barbaadi ki

gal pe ek til dekh ke un ke sare jism se shadi ki

ek lamha bhī masarrat kā bahut hotā hai

log jiine kā salīqa hī kahāñ rakhte haiñ

ek lamha bhi masarrat ka bahut hota hai

log jine ka saliqa hi kahan rakhte hain

un kā darvāza thā mujh se bhī sivā mushtāq-e-dīd

maiñ ne bāhar kholnā chāhā to vo andar khulā

un ka darwaza tha mujh se bhi siwa mushtaq-e-did

main ne bahar kholna chaha to wo andar khula

dard meñ lazzat bahut ashkoñ meñ ra.anā.ī bahut

ai ġham-e-hastī hameñ duniyā pasand aa.ī bahut

dard mein lazzat bahut ashkon mein ranai bahut

ai gham-e-hasti hamein duniya pasand aai bahut

zāhid ḳhudī-farosh to vaa.iz ḳhudā-farosh

donoñ buzurg merī nazar se guzar ga.e

zahid KHudi-farosh to waiz KHuda-farosh

donon buzurg meri nazar se guzar gae

jitnā baḌhtā gayā shu.ūr-e-hunar

ḳhud ko utnā hī be-hunar jaanā

jitna baDhta gaya shuur-e-hunar

KHud ko utna hi be-hunar jaana

ab ik rūmāl mere saath kā hai

jo merī vālida ke haath kā hai

ab ek rumal mere sath ka hai

jo meri walida ke hath ka hai

bahan kī iltijā maañ kī mohabbat saath chaltī hai

vafā-e-dostāñ bahr-e-mashaqqat saath chaltī hai

bahan ki iltija man ki mohabbat sath chalti hai

wafa-e-dostan bahr-e-mashaqqat sath chalti hai

hañs magar hañsne se pahle soch le

ye na ho phir umr bhar ronā paḌe

hans magar hansne se pahle soch le

ye na ho phir umr bhar rona paDe