کس کو نہیں کوتاہیٔ قسمت کی شکایت

کس کو گلہ گردش ایام نہیں ہے

جان کا صرفہ ہو تو ہو لیکن

صرف کرنے سے علم بڑھتا ہے

میں فقط ایک خواب تھا تیرا

خواب کو کون یاد رکھتا ہے

پرکھنے والے پرکھیں گے اسی معیار پر ہم کو

جہاں سے کیا لیا ہم نے جہاں کو کیا دیا ہم نے

چھلکوں کے ہیں انبار مگر مغز ندارد

دنیا میں مسلماں تو ہیں اسلام نہیں ہے

مغرب مجھے کھینچے ہے تو روکے مجھے مشرق

دھوبی کا وہ کتا ہوں کہ جو گھاٹ نہ گھر کا

ہر چیز کی ہوتی ہے کوئی آخری حد بھی

کیا کوئی بگاڑے گا کسی خاک بسر کا

کون مر کر دوبارہ زندہ ہوا

کون ملک فنا سے لوٹا ہے

قرب نس نس میں آگ بھرتا ہے

وصل سے اضطراب بڑھتا ہے

اب آسماں سے صحیفے نہیں اترتے مگر

کھلا ہوا ہے در اجتہاد سب کے لیے

زمیں نژاد ہیں لیکن زماں میں رہتے ہیں

مکاں نصیب نہیں لا مکاں میں رہتے ہیں

شہیدان وفا کی منقبت لکھتے رہے لیکن

نہ کی عرضی خداؤں کی کبھی حمد و ثنا ہم نے

نئی محبتیں خالدؔ پرانی دوستیاں

عذاب کشمکش بے اماں میں رہتے ہیں

ہر بات ہے خالدؔ کی زمانے سے نرالی

باشندہ ہے شاید کسی دنیائے دگر کا

پرسان پریشانی انساں نہیں کوئی

قسمت کی گرہ ناخن تدبیر سے کھولو

کوئی تنہائی کا گوشہ کوئی کنج عافیت

عاشق و معشوق یکجا ہوں کہاں اے آسماں

ورائے فرہ فرہنگ دیکھو رنگ سخن

ابوالکلام نہیں میں ابوالمعانی ہوں

اے محبو! راہ الفت میں ہر اک شے ہے مباح

کس نے کھینچا ہے خط‌ ہجراں تمہارے درمیاں

قاصد یہ زباں اس کی بیاں اس کا نہیں ہے

دھوکا ہے تجھے اس نے کہا اور ہی کچھ ہے