jabhī tū paan khā kar muskurāyā

tabhī dil khil gayā gul kī kalī kā

jabhi tu pan kha kar muskuraya

tabhi dil khil gaya gul ki kali ka

pyāsā mat jalā saaqī mujhe garmī siiñ hijrāñ kī

shitābī lā sharāb-e-ḳhām ham ne dil ko bhūnā hai

pyasa mat jala saqi mujhe garmi sin hijran ki

shitabi la sharab-e-KHam hum ne dil ko bhuna hai

jane dekhā so hī baurā huā hai

tire til haiñ magar kaalā dhatūrā

jane dekha so hi baura hua hai

tere til hain magar kala dhatura

jo tuuñ murġhā nahīñ hai ai zāhid

kyuuñ sahar gaah de hai uTh ke baañg

jo tun murgha nahin hai ai zahid

kyun sahar gah de hai uTh ke bang

na hove kyuuñ ke gardūñ pe sadā dil kī buland apnī

hamārī aah hai Dañkā damāme ke bajāne kā

na howe kyun ke gardun pe sada dil ki buland apni

hamari aah hai Danka damame ke bajaane ka

ḳham-e-mehrāb-e-abruvāñ ke biich

kaam āñkhoñ kā hai imāmat kā

KHam-e-mehrab-e-abruwan ke bich

kaam aankhon ka hai imamat ka

ishq ke fan niiñ huuñ maiñ audhōt

tire dar pe biThā huuñ mal ke bhabhūt

ishq ke fan nin hun main audhoot

tere dar pe biTha hun mal ke bhabhut

ishq kā tifl gir zamīñ uupar

khel sīkhā hai ḳhāk-bāzī kā

ishq ka tifl gir zamin upar

khel sikha hai KHak-bazi ka

raqībān-e-siyah-rū shahr-e-dehlī ke musāhib haiñ

gañdā naalā bhī jā kar mil rahā hai dekh jamunā kuuñ

raqiban-e-siyah-ru shahr-e-dehli ke musahib hain

ganda nala bhi ja kar mil raha hai dekh jamuna kun

kamāñ abrū nipaT shah-zor haigā

ki shāḳh-e-āshnā.ī toḌ Daalī

kaman abru nipaT shah-zor haiga

ki shaKH-e-ashnai toD Dali

jab ki pahrā hai tiiñ libās zarrīñ

ik qad-ādam huī hai aag buland

jab ki pahra hai tin libas zarrin

ek qad-adam hui hai aag buland

jigar meñ la.al ke ātish paḌī hai

magar tujh lab upar haañ kī dhaḌī hai

jigar mein lal ke aatish paDi hai

magar tujh lab upar han ki dhaDi hai