جب بات وفا کی آتی ہے جب منظر رنگ بدلتا ہے

اور بات بگڑنے لگتی ہے وہ پھر اک وعدہ کرتے ہیں

میں حکایت دل بے نوا میں اشارت غم جاوداں

میں وہ حرف آخر معتبر جو لکھا گیا نہ پڑھا گیا

بستی تمام خواب کی ویران ہو گئی

یوں ختم شب ہوئی سحر آسان ہو گئی

بہت شگفتہ و رنگین گفتگو ہے سراجؔ

چمن میں بات تری رنگ و بو سے کھیلے گی

اس قدر ڈوبے گناہ عشق میں تیرے حبیب

سوچتے ہیں جائیں گے کس منہ سے توبہ کی طرف

خواب آلود نگاہوں سے یہ کہتا گزرا

میں حقیقت تھا جو تعبیر میں رکھا گیا تھا

رہ گیا درد دل کے پہلو میں

یہ جو الفت تھی درد سر نہ ہوئی

شکریا تم نے بجھایا مری ہستی کا چراغ

تم سزاوار نہیں تم نے تو اچھائی کی

اس کے فقرے سے میں کیا سمجھوں کوئی سمجھا دے

دفعتاً میری طرف دیکھ کے بولا اے ہے

کچھ خود میں کشش پیدا کر لو کہ محفل تم سے آنکھ بھرے

یہ چال بڑے عیار کی ہے یہ چال نہ خالی جائے گی

اس قدر ناز نہ کیجے کہ بزرگوں نے بہت

بارہا بزم خود آرائی سجائی ہوئی ہے

صحرا میں بسے سب دیوانے شہروں میں بھی محشر ہے برپا

اللہ تری اس خلقت سے باقی نہ رہا ویرانہ تک

کب سے مانگ رہے ہیں تم سے

ساغر سے مینا سے خم سے

دل لگتا ہے باہر سے جو بوسیدہ مکاں سا

داخل تو کبھی ہو کے یہ قصر ادنی دیکھ

مری غیرت ہمہ گیر نے مجھے تیرے در سے اٹھا دیا

کچھ انا کا زور جو کم ہوا تو خبر ہوئی تو خدا سا ہے

فخر زیبا ہے کہ مدت پہ کہیں جا کے مری

اب طلب گار خدا کی یہ خدائی ہوئی ہے

کیسی ہیں آزمائشیں کیسا یہ امتحان ہے

میرے جنوں کے واسطے ہجر کی ایک رات بس

پیمبروں کی زبانی کہی سنی ہم نے

وہ کہہ رہا تھا کہ میرے بھی انتخاب میں آ