maiñ chāhtā thā ki us ko gulāb pesh karūñ

vo ḳhud gulāb thā us ko gulāb kyā detā

main chahta tha ki us ko gulab pesh karun

wo KHud gulab tha us ko gulab kya deta

abhī to us kā koī tazkira huā bhī nahīñ

abhī se bazm meñ ḳhushbū kā raqs jaarī hai

abhi to us ka koi tazkira hua bhi nahin

abhi se bazm mein KHushbu ka raqs jari hai

terī nisbat milī mujhe jab se

maiñ koī aarzū nahīñ kartā

teri nisbat mili mujhe jab se

main koi aarzu nahin karta

meñ iztirāb ke aalam meñ raqs kartā rahā

kabhī ġhubār kī sūrat kabhī dhuāñ ban kar

mein iztirab ke aalam mein raqs karta raha

kabhi ghubar ki surat kabhi dhuan ban kar

ab to har ek adākār se Dar lagtā hai

mujh ko dushman se nahīñ yaar se Dar lagtā hai

ab to har ek adakar se Dar lagta hai

mujh ko dushman se nahin yar se Dar lagta hai