maiñ ḳhud se chhupā lekin

us shaḳhs pe uryāñ thā

main KHud se chhupa lekin

us shaKHs pe uryan tha

maiñ to bas ye chāhtā huuñ vasl bhī

do diloñ ke darmiyāñ haa.el na ho

main to bas ye chahta hun wasl bhi

do dilon ke darmiyan hael na ho

qad kā andāza tumheñ ho jā.egā

apne saa.e ko ghaTā kar dekhnā

qad ka andaza tumhein ho jaega

apne sae ko ghaTa kar dekhna

use suljhā.ūñ kaise

maiñ ḳhud uljhā huā huuñ

use suljhaun kaise

main KHud uljha hua hun

vo ḳhvāb jis pe tīra-shabī kā gumān thā

vo ḳhvāb āftāb kī ta.abīr ho gayā

wo KHwab jis pe tira-shabi ka guman tha

wo KHwab aaftab ki tabir ho gaya