اک میں ہوں کہ لہروں کی طرح چین نہیں ہے

اک وہ ہے کہ خاموش سمندر کی طرح ہے

ہے میرا چہرہ سیکڑوں چہروں کا آئینہ

بیزار ہو گیا ہوں تماشائیوں سے میں

بستی بستی پربت پربت وحشت کی ہے دھوپ ضیاؔ

چاروں جانب ویرانی ہے دل کا اک ویرانہ کیا

مجھ کو مرے وجود سے کوئی نکال دے

تنگ آ چکا ہوں روز کے ان حادثوں سے میں

اس قدر پرخلوص لہجہ ہے

اس سے ملنا ہے عمر بھر جیسے

نہ جانے کتنے مراحل کے بعد پایا تھا

وہ ایک لمحہ جو تو نے گزارنے نہ دیا

نگر نگر میں نئی بستیاں بسائی گئیں

ہزار چاہا مگر پھر بھی اپنا گھر نہ بنا

آندھیوں کی زد میں ہے میرا وجود

اور میں دیوار کی تصویر ہوں