ban sañvar kar rahā karo 'hasrat'

us kī paḌ jaa.e ik nazar shāyad

ban sanwar kar raha karo 'hasrat'

us ki paD jae ek nazar shayad

bas ek hī balā hai mohabbat kaheñ jise

vo pāniyoñ meñ aag lagātī hai aaj bhī

bas ek hi bala hai mohabbat kahen jise

wo paniyon mein aag lagati hai aaj bhi

vo din havā hue vo zamāne guzar ga.e

bande kā jab qayām parī-zādiyoñ meñ thā

wo din hawa hue wo zamane guzar gae

bande ka jab qayam pari-zadiyon mein tha

guzre jidhar se nuur bikhere chale ga.e

vo ham-safar hue to añdhere chale ga.e

guzre jidhar se nur bikhere chale gae

wo ham-safar hue to andhere chale gae

hazār chup sahī par us kā boltā chehra

ḳhamosh rah ke hameñ lā-javāb kar degā

hazar chup sahi par us ka bolta chehra

KHamosh rah ke hamein la-jawab kar dega