numūd-e-rañg-o-bū ne maar Daalā

usī kī aarzū ne maar Daalā

numud-e-rang-o-bu ne mar Dala

usi ki aarzu ne mar Dala

raste kī uuñch niich se vāqif to huuñ 'amīñ'

Thokar qadam qadam pe magar khā rahā huuñ maiñ

raste ki unch nich se waqif to hun 'amin'

Thokar qadam qadam pe magar kha raha hun main

tujh ko tirī hī aañkh se dekh rahī hai kā.enāt

baat ye raaz kī nahīñ apnā ḳhud ehtirām kar

tujh ko teri hi aankh se dekh rahi hai kaenat

baat ye raaz ki nahin apna KHud ehtiram kar

yuuñ dil hai sar-ba-sajdā kisī ke huzūr meñ

jaise ki ġhota-zan ho koī bahr-e-nūr meñ

yun dil hai sar-ba-sajda kisi ke huzur mein

jaise ki ghota-zan ho koi bahr-e-nur mein