maut kī aarzū meñ dīvāne

umr-bhar zindagī se laḌte haiñ

maut ki aarzu mein diwane

umr-bhar zindagi se laDte hain

tujh pe jamī haiñ sab kī nazreñ

terī nazar meñ kaun rahegā

tujh pe jami hain sab ki nazren

teri nazar mein kaun rahega

lafz yuuñ ḳhāmushī se laḌte haiñ

jis tarah ġham hañsī se laḌte haiñ

lafz yun KHamushi se laDte hain

jis tarah gham hansi se laDte hain

maiñ muskurātā magar dī na ashk ne mohlat

ḳhushī jab ek milī saath ġham hazār mile

main muskuraata magar di na ashk ne mohlat

KHushi jab ek mili sath gham hazar mile

'abr' duniyā ko chhoḌ jaane kā

ik bahāna talāsh karnā hai

'abr' duniya ko chhoD jaane ka

ek bahana talash karna hai

kyuuñ haath dil se lagāte ho baar baar apnā

kyā dil meñ ab bhī koī be-nazīr rahtā hai

kyun hath dil se lagate ho bar bar apna

kya dil mein ab bhi koi be-nazir rahta hai

aaj insāñ ko tapte sahrā meñ

bahtā dariyā talāsh karnā hai

aaj insan ko tapte sahra mein

bahta dariya talash karna hai

phir ahl-e-ishq kī taḳhlīq hotī hai pahle

junūñ kī aag meñ barsoñ ḳhamīr rahtā hai

phir ahl-e-ishq ki taKHliq hoti hai pahle

junun ki aag mein barson KHamir rahta hai