mirī tanhā.ī kā aalam na pūchho

ḳhayāl-e-dostāñ hai aur maiñ huuñ

meri tanhai ka aalam na puchho

KHayal-e-dostan hai aur main hun

hijr kī lazzatoñ kā kyā kahnā

vo na aa.eñ mirī duā hai ye

hijr ki lazzaton ka kya kahna

wo na aaen meri dua hai ye

aarzū kī ye sazā hai ki zamāna hai ḳhilāf

un se milne kī ḳhudā jaane sazā kyā hogī

aarzu ki ye saza hai ki zamana hai KHilaf

un se milne ki KHuda jaane saza kya hogi

dimāġh un ke tajassus meñ jism ghar meñ rahā

maiñ apne ghar hī meñ rahte hue safar meñ rahā

dimagh un ke tajassus mein jism ghar mein raha

main apne ghar hi mein rahte hue safar mein raha

ik tabassum hazār-hā aañsū

ibtidā vo thī intihā hai ye

ek tabassum hazar-ha aansu

ibtida wo thi intiha hai ye

fasl-e-gul aa ga.ī hai ahl-e-junūñ

phir garebāñ ko taar taar kareñ

fasl-e-gul aa gai hai ahl-e-junun

phir gareban ko tar tar karen