ab bhī kuchh log mohabbat pe yaqīñ rakhte haiñ

ho jo mumkin to unheñ des nikālā de do

ab bhi kuchh log mohabbat pe yaqin rakhte hain

ho jo mumkin to unhen des nikala de do

maiñ bhī sach kahtā huuñ is jurm meñ duniyā vaalo

mere hāthoñ meñ bhī ik zahr kā piyāla de do

main bhi sach kahta hun is jurm mein duniya walo

mere hathon mein bhi ek zahr ka piyala de do

fitrat kā ye sitam bhī hai 'dānish' ajiib chiiz

sar kaise kaise kaisī kulāhoñ meñ rakh diye

fitrat ka ye sitam bhi hai 'danish' ajib chiz

sar kaise kaise kaisi kulahon mein rakh diye