itnā to batā jaao ḳhafā hone se pahle

vo kyā kareñ jo tum se ḳhafā ho nahīñ sakte

itna to bata jao KHafa hone se pahle

wo kya karen jo tum se KHafa ho nahin sakte

ai mauj-e-havādis tujhe mālūm nahīñ kyā

ham ahl-e-mohabbat haiñ fanā ho nahīñ sakte

ai mauj-e-hawadis tujhe malum nahin kya

hum ahl-e-mohabbat hain fana ho nahin sakte

hālāt ne kisī se judā kar diyā mujhe

ab zindagī se zindagī mahrūm ho ga.ī

haalat ne kisi se juda kar diya mujhe

ab zindagi se zindagi mahrum ho gai

aise iqrār meñ inkār ke sau pahlū haiñ

vo to kahiye ki laboñ pe na tabassum aa.e

aise iqrar mein inkar ke sau pahlu hain

wo to kahiye ki labon pe na tabassum aae

jab zarā raat huī aur mah o anjum aa.e

bār-hā dil ne ye mahsūs kiyā tum aa.e

jab zara raat hui aur mah o anjum aae

bar-ha dil ne ye mahsus kiya tum aae