apnī ḳhushī se mujhe terī ḳhushī thī aziiz

tū bhī magar jaane kyuuñ mujh se ḳhafā ho gayā

apni KHushi se mujhe teri KHushi thi aziz

tu bhi magar jaane kyun mujh se KHafa ho gaya

ye raat aisī havā.eñ kahāñ se laatī hai

ki ḳhvāb phūlte haiñ aur zaḳhm phalte haiñ

ye raat aisi hawaen kahan se lati hai

ki KHwab phulte hain aur zaKHm phalte hain

ab e'tibār pe jī chāhtā to hai lekin

purāne ḳhauf diloñ se kahāñ nikalte haiñ

ab e'tibar pe ji chahta to hai lekin

purane KHauf dilon se kahan nikalte hain

ye rog lagā hai ajab hameñ jo jaan bhī le kar Talā nahīñ

har ek davā be-asar ga.ī har ek duā be-asar huī

ye rog laga hai ajab hamein jo jaan bhi le kar Tala nahin

har ek dawa be-asar gai har ek dua be-asar hui