tirā ġhurūr jhuk ke jab milā mire vajūd se

na jaane merī kamtarī kā chehra kyuuñ utar gayā

tera ghurur jhuk ke jab mila mere wajud se

na jaane meri kamtari ka chehra kyun utar gaya

merī duniyā meñ samundar kā kahīñ naam nahīñ

phir ghaTā pheñktī hai mujh pe ye patthar kaise

meri duniya mein samundar ka kahin nam nahin

phir ghaTa phenkti hai mujh pe ye patthar kaise

vahīñ ke pattharoñ se pūchh merā hāl-e-zindagī

maiñ reza reza ho ke jis dayār meñ bikhar gayā

wahin ke pattharon se puchh mera haal-e-zindagi

main reza reza ho ke jis dayar mein bikhar gaya

rahguzar bhī tirī pahle thī ajnabī

har galī ab tirī rahguzar ho ga.ī

rahguzar bhi teri pahle thi ajnabi

har gali ab teri rahguzar ho gai

us se milne kī talab meñ jī liye kuchh aur din

vo bhī ḳhud biite dinoñ se bar-sar-e-paikār thī

us se milne ki talab mein ji liye kuchh aur din

wo bhi KHud bite dinon se bar-sar-e-paikar thi

zindagī karnā vo mushkil fan hai 'ash.har' hāshmī

jaise ki chalnā paḌe bijlī ke nañge taar par

zindagi karna wo mushkil fan hai 'ashhar' hashmi

jaise ki chalna paDe bijli ke nange tar par

'ash.har' kahīñ qarīb hī tārīk ġhaar hai

jugnū kī raushnī ko vahīñ chal ke chhoḌ deñ

'ashhar' kahin qarib hi tarik ghaar hai

jugnu ki raushni ko wahin chal ke chhoD den