zarūrat Dhal ga.ī rishte meñ varna

yahāñ koī kisī kā apnā kab hai

zarurat Dhal gai rishte mein warna

yahan koi kisi ka apna kab hai

aaj bhī 'prem' ke aur 'krishn' ke afsāne haiñ

aaj bhī vaqt kī jamhūrī zabāñ hai urdu

aaj bhi 'prem' ke aur 'krishn' ke afsane hain

aaj bhi waqt ki jamhuri zaban hai urdu

sabr kī had bhī to kuchh hotī hai

kitnā palkoñ pe sambhālūñ paanī

sabr ki had bhi to kuchh hoti hai

kitna palkon pe sambhaalun pani

adab hī zindagī meñ jab na aayā

adab meñ itnī mehnat kis liye hai

adab hi zindagi mein jab na aaya

adab mein itni mehnat kis liye hai

koī bhī ḳhush nahīñ hai is ḳhabar se

ki duniyā jald lauTegī safar se

koi bhi KHush nahin hai is KHabar se

ki duniya jald lauTegi safar se

ḳhvāb hī ḳhvāb kī ta.abīr huā to jaanā

zindagī kyuuñ kisī āñkhoñ ke asar meñ aa.ī

KHwab hi KHwab ki tabir hua to jaana

zindagi kyun kisi aankhon ke asar mein aai

kisī ke jism-o-jāñ chhalnī kisī ke bāl-o-par TuuTe

jalī shāḳhoñ pe yuuñ laTke kabūtar dekh aayā huuñ

kisi ke jism-o-jaan chhalni kisi ke baal-o-par TuTe

jali shaKHon pe yun laTke kabutar dekh aaya hun

sab ḳhvāb purāne haiñ har chand fasāne haiñ

ham roz basāte haiñ āñkhoñ meñ na.ī duniyā

sab KHwab purane hain har chand fasane hain

hum roz basate hain aankhon mein nai duniya