bīviyāñ chaar haiñ aur phir bhī hasīnoñ se shaġhaf

bhaa.ī tū baiTh ke ārām se ghar-bār chalā

biwiyan chaar hain aur phir bhi hasinon se shaghaf

bhai tu baiTh ke aaram se ghar-bar chala

koī to DhūñD ke laa.e ki muntazim hai kahāñ

lifāfa gar nahīñ detā na de kirāya to de

koi to DhunD ke lae ki muntazim hai kahan

lifafa gar nahin deta na de kiraya to de

khiḌkiyoñ se nazar us kī haTtī nahīñ

merā beTā to bāliġh-nazar ho gayā

khiDkiyon se nazar us ki haTti nahin

mera beTa to baaligh-nazar ho gaya

vo sādgī meñ un ko do sāma.īn samjhā

bas āThvīñ ġhazal par munkir-nakīr bhāge

wo sadgi mein un ko do samain samjha

bas aaThwin ghazal par munkir-nakir bhage

hamāre deputy-commissioner ne chāñd dekhā hai

hameñ ḳhabar hai ki vo ġhair-zimme-dār nahīñ

hamare deputy-commissioner ne chand dekha hai

hamein KHabar hai ki wo ghair-zimme-dar nahin

laḌke kī amaañ ye bolīñ kaam kare us kī juutī

do bhaa.ī bhatta lete haiñ abbā ḳhair se Daaku haiñ

laDke ki aman ye bolin kaam kare us ki juti

do bhai bhatta lete hain abba KHair se Daku hain

ye bhī achchhā hai ki sahrā meñ banāyā hai makāñ

ab kirā.e pe yahāñ sāya-e-dīvār chalā

ye bhi achchha hai ki sahra mein banaya hai makan

ab kirae pe yahan saya-e-diwar chala

vo saas ab kitnī martaba martabān jhāñke

bahū to do din meñ khā ga.ī hai achār aadhā

wo sas ab kitni martaba martaban jhanke

bahu to do din mein kha gai hai achaar aadha

maiñ ne phūloñ kī aarzū kī thī

aañkh meñ motiyā utar āyā!!

main ne phulon ki aarzu ki thi

aankh mein motiya utar aaya!!

zarūr miTTī kā tel saaqī pilā gayā hai

jo puure sāġhar se ho rahā hai ḳhumār aadhā

zarur miTTi ka tel saqi pila gaya hai

jo pure saghar se ho raha hai KHumar aadha