na jaane kaun sī manzil pe ishq aa pahuñchā

duā bhī kaam na aa.e koī davā na lage

na jaane kaun si manzil pe ishq aa pahuncha

dua bhi kaam na aae koi dawa na lage

zamīr bechne vaale vo terā saudā-gar

zamīr hī nahīñ zaat o sifāt le ke gayā

zamir bechne wale wo tera sauda-gar

zamir hi nahin zat o sifat le ke gaya

shahr ho dasht-e-tamannā ho ki dariyā kā safar

terī tasvīr ko siine se lagā rakkhā hai

shahr ho dasht-e-tamanna ho ki dariya ka safar

teri taswir ko sine se laga rakkha hai

ye baat sach hai ki marnā sabhī ko hai lekin

alag hī hotī hai lazzat nigāh-e-qātil kī

ye baat sach hai ki marna sabhi ko hai lekin

alag hi hoti hai lazzat nigah-e-qatil ki

Duubā safīna jis meñ musāfir koī na thā

lekin bhare hue the vahāñ nā-ḳhudā bahut

Duba safina jis mein musafir koi na tha

lekin bhare hue the wahan na-KHuda bahut

shāyad yahī kitāb-e-mohabbat ho lā-javāb

merī vafā ke saath hai terī jafā bahut

shayad yahi kitab-e-mohabbat ho la-jawab

meri wafa ke sath hai teri jafa bahut