ḳhatm hotā hī nahīñ merā safar

koī thak-hār gayā hai mujh meñ

KHatm hota hi nahin mera safar

koi thak-haar gaya hai mujh mein

maar detī hai zindagī Thokar

zehn jab ulTe paañv chaltā hai

mar deti hai zindagi Thokar

zehn jab ulTe panw chalta hai

pūchhnā chāñd kā patā 'āzar'

jab akele meñ raat mil jaa.e

puchhna chand ka pata 'azar'

jab akele mein raat mil jae

tū bhale merā e'tibār na kar

zindagī maiñ tire kahe meñ huuñ

tu bhale mera e'tibar na kar

zindagi main tere kahe mein hun

havā ke dosh par lagtā hai uḌne

jo patta TuuT jaatā hai shajar se

hawa ke dosh par lagta hai uDne

jo patta TuT jata hai shajar se