haar jā.egī yaqīnan tīrgī

gar musalsal raushnī zinda rahī

haar jaegi yaqinan tirgi

gar musalsal raushni zinda rahi

ḳhatm hotā hī nahīñ merā safar

koī thak-hār gayā hai mujh meñ

KHatm hota hi nahin mera safar

koi thak-haar gaya hai mujh mein

khulā makān hai har ek zindagī 'āzar'

havā ke saath darīchoñ se ḳhvāb aate haiñ

khula makan hai har ek zindagi 'azar'

hawa ke sath darichon se KHwab aate hain

koī manzil kabhī nahīñ aa.ī

rāste meñ thā rāste meñ huuñ

koi manzil kabhi nahin aai

raste mein tha raste mein hun

pūchhnā chāñd kā patā 'āzar'

jab akele meñ raat mil jaa.e

puchhna chand ka pata 'azar'

jab akele mein raat mil jae