gulaabii gaal par kuchh rang mujh ko bhii jamaane do manaane do mujhe bhii jaan-e-man tyauhaar holii me.n

dil aatish-e-hijraa.n se jalaanaa nahii.n achchhaa ai sho.ala-ruKHo aag lagaanaa nahii.n achchhaa kis gul ke tasavvur me.n hai ai laala jigar-KHuu.n ye daaG kaleje pe uThaanaa nahii.n achchhaa aayaa hai ayaadat ko masiihaa sar-e-baalii.n ai marg Thahar jaa abhii aanaa nahii.n achchhaa sone de shab-e-vasl-e-Gariibaa.n hai abhii se ai murG-e-sahar shor machaanaa nahii.n achchhaa tum jaate ho kyaa jaan mirii jaatii hai saahib ai jaan-e-jahaa.n aap kaa jaanaa nahii.n achchhaa aa jaa shab-e-furqat me.n qasam tum ko KHudaa kii ai maut bas ab der lagaanaa nahii.n achchhaa pahu.nchaa de sabaa kuucha-e-jaanaa.n me.n pas-e-marg ja.ngal me.n mirii KHaak u.Daanaa nahii.n achchhaa aa jaa.e na dil aap kaa bhii aur kisii par dekho mirii jaa.n aa.nkh la.Daanaa nahii.n achchhaa kar duu.ngaa abhii hashr bapaa dekhiyo jallaad dhabbaa ye mire KHuu.n kaa chhu.Daanaa nahii.n achchhaa ai faaKHta us sarv-e-sahii qad kaa huu.n shaidaa kuu-kuu kii sadaa mujh ko sunaanaa nahii.n achchhaa