اب کے بسنت آئی تو آنکھیں اجڑ گئیں

سرسوں کے کھیت میں کوئی پتہ ہرا نہ تھا

دائرہ کھینچ کے بیٹھا ہوں بڑی مدت سے

خود سے نکلوں تو کسی اور کا رستہ دیکھوں

دیکھنے نکلا ہوں دنیا کو مگر کیا دیکھوں

جس طرف آنکھ اٹھاؤں وہی چہرہ دیکھوں

تم تو کچھ ایسے بھول گئے ہو جیسے کبھی واقف ہی نہیں تھے

اور جو یوں ہی کرنا تھا صاحب کس لیے اتنا پیار کیا تھا

میں بند کمرے کی مجبوریوں میں لیٹا رہا

پکارتی پھری بازار میں ہوا مجھ کو

ایک دنیا نے تجھے دیکھا ہے لیکن میں نے

جیسے دیکھا ہے تجھے ویسے نہ دیکھا ہوتا

سبھی انساں فرشتے ہو گئے ہیں

کسی دیوار میں سایہ نہیں ہے

جسم میں خواہش نہ تھی احساس میں کانٹا نہ تھا

اس طرح جاگا کہ جیسے رات بھر سویا نہ تھا

ایسا ہوا کہ گھر سے نہ نکلا تمام دن

جیسے کہ خود سے آج کوئی کام تھا مجھے

اب یہی دکھ ہے ہمیں میں تھی کمی اس میں نہ تھی

اس کو چاہا تھا مگر اپنی طرح چاہا نہ تھا

اسے چھت پر کھڑے دیکھا تھا میں نے

کہ جس کے گھر کا دروازہ نہیں ہے

پڑنے لگے جو زور ہوس کا تو کیا نگاہ

ہر زاویے سے جسم نکلتا دکھائے دے

بدن کے لوچ تک آزاد ہے وہ

اسے تہذیب نے باندھا نہیں ہے

بدن ڈھانپے ہوئے پھرتا ہوں یعنی

ہوس کے نام پر دھاگا نہیں ہے