sab ko batā diyā ki maiñ behad udaas huuñ

itnī sī baat ko bhī ḳhabar kar diyā gayā

sab ko bata diya ki main behad udas hun

itni si baat ko bhi KHabar kar diya gaya

ghar ke andar itne ghar haiñ is ko kaise toḌūñ maiñ

yaar kabūtar rahte haiñ is ghar ke raushan-dānoñ meñ

ghar ke andar itne ghar hain is ko kaise toDun main

yar kabutar rahte hain is ghar ke raushan-danon mein

sar paTak kar dekhnā hai ek baar

'ishq ko patthar kahā thā 'mīr' ne

sar paTak kar dekhna hai ek bar

'ishq ko patthar kaha tha 'mir' ne

us ke dil se nikle to ham ḳhud ke dil tak aa pahuñche

aanā jaanā hotā rahtā hai apnā vīrānoñ meñ

us ke dil se nikle to hum KHud ke dil tak aa pahunche

aana jaana hota rahta hai apna viranon mein

tumheñ dekhtā huuñ so zinda huuñ maiñ

mujhe saañs aatī hai āñkhoñ se ab

tumhein dekhta hun so zinda hun main

mujhe sans aati hai aankhon se ab

ai saḳht-gīr āñdhī itnā ḳhayāl rakhnā

ik dil bhī jal rahā hai is baam par hamārā

ai saKHt-gir aandhi itna KHayal rakhna

ek dil bhi jal raha hai is baam par hamara

yahāñ to phuul bhī aapas meñ baat karte haiñ

tumhāre baaġh meñ bilkul havā kā shor nahīñ

yahan to phul bhi aapas mein baat karte hain

tumhaare bagh mein bilkul hawa ka shor nahin

milnā hai terī ruuh se ham ko badan baġhair

apnā libās-e-jism utāre hue haiñ ham

milna hai teri ruh se hum ko badan baghair

apna libas-e-jism utare hue hain hum

us musavvir ke hunar ko dekh kar

rang ḳhud meñ bhar liye tasvīr ne

us musawwir ke hunar ko dekh kar

rang KHud mein bhar liye taswir ne

mire zavāl kī koī to had muqarrar kar

tirī nazar se musalsal utar rahā huuñ maiñ

mere zawal ki koi to had muqarrar kar

teri nazar se musalsal utar raha hun main