giilī miTTī hai shāyad jaḌ pakaḌ bhī leñ

maiñ āñkhoñ meñ sapne bonā chāhtā huuñ

gili miTTi hai shayad jaD pakaD bhi len

main aankhon mein sapne bona chahta hun

kar ke tārīf vo mirī jhūTī

zahr dhīmā chaTā gayā hai mujhe

kar ke tarif wo meri jhuTi

zahr dhima chaTa gaya hai mujhe

juḌā hī rahtā hai mamtā kī garbhnāl se vo

vajūd beTe kā maañ se judā nahīñ hotā

juDa hi rahta hai mamta ki garbhnal se wo

wajud beTe ka man se juda nahin hota

dekho to kaam ek bhī ham ne kahāñ kiyā

pūchho to ek pal kī bhī fursat nahīñ rahī

dekho to kaam ek bhi hum ne kahan kiya

puchho to ek pal ki bhi fursat nahin rahi

marāsim barf meñ dabne na paa.eñ

qarīb aao december aa rahā hai

marasim barf mein dabne na paen

qarib aao december aa raha hai

jhuuT bolā to bach ga.ī gardan

haq bayānī kā fā.eda kyā thā

jhuT bola to bach gai gardan

haq bayani ka faeda kya tha

añdherā shahr meñ be-ḳhauf raqs kartā rahā

charāġh saare havāoñ ke iḳhtiyār meñ the

andhera shahr mein be-KHauf raqs karta raha

charagh sare hawaon ke iKHtiyar mein the

dard-e-dil kī intihā thī zabt TuuTā aur phir

āñsuoñ kā rang merī shā.irī meñ aa gayā

dard-e-dil ki intiha thi zabt TuTa aur phir

aansuon ka rang meri shairi mein aa gaya

muqarrar kar rakhī hai maiñ ne apne āñsūon kī had

mire dukh-dard kā paikar mirā chehra nahīñ hotā

muqarrar kar rakhi hai main ne apne aansuon ki had

mere dukh-dard ka paikar mera chehra nahin hota

nanhe laboñ ne hañs ke jo paapā kahā mujhe

din bhar kī merī saarī thakāvaT utar ga.ī

nanhe labon ne hans ke jo papa kaha mujhe

din bhar ki meri sari thakawaT utar gai

marne se bhī gurez na mujh jaise rind ko

lekin ye ho ki mar ke mujhe mai-kada mile

marne se bhi gurez na mujh jaise rind ko

lekin ye ho ki mar ke mujhe mai-kada mile

shā.irī naam tasavvur meñ chhalaktī mai kā

mar hī jaate jo na piine kī ijāzat hotī

shairi nam tasawwur mein chhalakti mai ka

mar hi jate jo na pine ki ijazat hoti

jis kā naqsh-e-pā hī miil kā patthar hai

kuchh to ḳhūbī hogī us banjāre meñ

jis ka naqsh-e-pa hi mil ka patthar hai

kuchh to KHubi hogi us banjare mein

duniyā meñ misl-e-tāj nihāyat hasīñ thā vo

lekin vafā kā rang utarne se peshtar

duniya mein misl-e-taj nihayat hasin tha wo

lekin wafa ka rang utarne se peshtar

dekho daraḳht kāTne se pahle ek baar

in sabz Tahniyoñ pe koī ghoñsla na ho

dekho daraKHt kaTne se pahle ek bar

in sabz Tahniyon pe koi ghonsla na ho

mujh ko saphaltā baiThe biThā.e nahīñ milī

maiñ ne guhar talāshe haiñ dariyā khañgāl kar

mujh ko saphalta baiThe biThae nahin mili

main ne guhar talashe hain dariya khangal kar

haaT pe kyā biktā thā ham ko kyā matlab

apnī jeb meñ bas ḳhvāboñ ke sikke the

haT pe kya bikta tha hum ko kya matlab

apni jeb mein bas KHwabon ke sikke the

milegī āḳhirī ḳhāne meñ maut hī sab ko

bisāt-e-dahr pe paidal ho yā ho phir vo savār

milegi aaKHiri KHane mein maut hi sab ko

bisat-e-dahr pe paidal ho ya ho phir wo sawar

ḳhud-ba-ḳhud chal ke samundar hī qarīb aa.egā

ho agar pyāse to hargiz na ye sapnā dekho

KHud-ba-KHud chal ke samundar hi qarib aaega

ho agar pyase to hargiz na ye sapna dekho

maiñ to mar kar bhī jiyūñgā shaan se

maiñ ne ġhazloñ meñ utārī zindagī

main to mar kar bhi jiyunga shan se

main ne ghazlon mein utari zindagi

is ke majma.e kī koī siimā nahīñ

aadmī darshak madārī zindagī

is ke majmae ki koi sima nahin

aadmi darshak madari zindagi