پہلے تمام شہر کو صحرا بنائیں گے

پھر وحشتوں کی ریت پہ سویا کریں گے ہم

کسی فرد محبت سے بھلا امید کیا رکھنا

محبت بے وفا تھی بے وفا ہے بے وفا ہوگی

یہی سب لوگ ہیں ان سب نے مرا قتل کیا

یہ مری قبر کو پھولوں سے سجانے والے

تا عمر طفل دل پہ یتیمی کا کرب تھا

کوشش تو کی مگر میں کبھی ماں نہ بن سکا

میں اپنے آپ کا سب سے بڑا مخالف ہوں

مری ہی طرح کا اک شخص اور ہے مجھ میں

تاریک سرابوں کی چکا چوند میں گم صم

تھا سخت مسلمان میں ایمان سے پہلے

بہتا رہا میں ساحل دنیا کی ریت پر

آخر بدن کی خاک سمیٹی تو گھر گیا

اس دست اختیار میں اک جان ہی تو تھی

ہم تم پہ اپنی جان کو وارے چلے گئے