pahle tamām shahr ko sahrā banā.eñge

phir vahshatoñ kī ret pe soyā kareñge ham

pahle tamam shahr ko sahra banaenge

phir wahshaton ki ret pe soya karenge hum

kisī fard-e-mohabbat se bhalā ummīd kyā rakhnā

mohabbat bevafā thī bevafā hai bevafā hogī

kisi fard-e-mohabbat se bhala ummid kya rakhna

mohabbat bewafa thi bewafa hai bewafa hogi

yahī sab log haiñ in sab ne mirā qatl kiyā

ye mirī qabr ko phūloñ se sajāne vaale

yahi sab log hain in sab ne mera qatl kiya

ye meri qabr ko phulon se sajaane wale

tā-umr tifl-e-dil pe yatīmī kā karb thā

koshish to kī magar maiñ kabhī maañ na ban sakā

ta-umr tifl-e-dil pe yatimi ka karb tha

koshish to ki magar main kabhi man na ban saka

maiñ apne aap kā sab se baḌā muḳhālif huuñ

mirī hī tarah kā ik shaḳhs aur hai mujh meñ

main apne aap ka sab se baDa muKHalif hun

meri hi tarah ka ek shaKHs aur hai mujh mein

tārīk sarāboñ kī chakā-chauñd meñ gum-sum

thā saḳht musalmān maiñ īmān se pahle

tarik sarabon ki chaka-chaund mein gum-sum

tha saKHt musalman main iman se pahle

bahtā rahā maiñ sāhil-e-duniyā kī ret par

āḳhir badan kī ḳhaak sameTī to ghar gayā

bahta raha main sahil-e-duniya ki ret par

aaKHir badan ki KHak sameTi to ghar gaya

is dast-e-iḳhtiyār meñ ik jaan hī to thī

ham tum pe apnī jaan ko vaare chale ga.e

is dast-e-iKHtiyar mein ek jaan hi to thi

hum tum pe apni jaan ko ware chale gae