āñkhoñ ke ḳhvāb dil kī javānī bhī le gayā

vo apne saath merī kahānī bhī le gayā

aankhon ke KHwab dil ki jawani bhi le gaya

wo apne sath meri kahani bhi le gaya

ġhazal ke parde meñ be-parda ḳhvāhisheñ likhnā

na aayā ham ko barahana guzārisheñ likhnā

ghazal ke parde mein be-parda KHwahishen likhna

na aaya hum ko barahana guzarishen likhna

achchhā huā maiñ vaqt ke mehvar se kaT gayā

qatra guhar banā jo samundar se kaT gayā

achchha hua main waqt ke mehwar se kaT gaya

qatra guhar bana jo samundar se kaT gaya

zindagī ḳhud ko na is ruup meñ pahchān sakī

aadmī lipTā hai ḳhvāboñ ke kafan meñ aisā

zindagi KHud ko na is rup mein pahchan saki

aadmi lipTa hai KHwabon ke kafan mein aisa

us kī qurbat kā nasha kyā chiiz hai

haath phir jalte tave par rakh diyā

us ki qurbat ka nasha kya chiz hai

hath phir jalte tawe par rakh diya