aa.e Thahre aur ravāna ho ga.e

zindagī kyā hai, safar kī baat hai

aae Thahre aur rawana ho gae

zindagi kya hai, safar ki baat hai

ḳhuun mazdūr kā miltā jo na ta.amīroñ meñ

na havelī na mahal aur na koī ghar hotā

KHun mazdur ka milta jo na tamiron mein

na haweli na mahal aur na koi ghar hota

bhulā na paayā use jis ko bhuul jaanā thā

vafāoñ se mirā rishta bahut purānā thā

bhula na paya use jis ko bhul jaana tha

wafaon se mera rishta bahut purana tha

kis kī sadā fazāoñ meñ gūñjī hai chār-sū

kis ne mujhe pukārā hai bachpan ke naam se

kis ki sada fazaon mein gunji hai chaar-su

kis ne mujhe pukara hai bachpan ke nam se

sabhī to dost haiñ kyuuñ shak abas huā mujh ko

kisī ke haath kā patthar mirī talāsh meñ hai

sabhi to dost hain kyun shak abas hua mujh ko

kisi ke hath ka patthar meri talash mein hai

khīñch detā maiñ zamāne pe mohabbat ke nuqūsh

mere qabze meñ agar ḳhāma-e-shahpar hotā

khinch deta main zamane pe mohabbat ke nuqush

mere qabze mein agar KHama-e-shahpar hota

kyā zarūrī hai jū-e-shīr kī baat

kyuuñ na gañg-o-jaman kī baat kareñ

kya zaruri hai ju-e-shir ki baat

kyun na gang-o-jaman ki baat karen