agarche us kī har ik baat khurdurī hai bahut

mujhe pasand hai Dhañg us ke baat karne kā

agarche us ki har ek baat khurduri hai bahut

mujhe pasand hai Dhang us ke baat karne ka

baaġh meñ honā hī shāyad seb kī pahchān thī

ab ki vo bāzār meñ hai ab to biknā hai use

bagh mein hona hi shayad seb ki pahchan thi

ab ki wo bazar mein hai ab to bikna hai use

har ek aañkh ko kuchh TuuTe ḳhvāb de ke gayā

vo zindagī ko ye kaisā azaab de ke gayā

har ek aankh ko kuchh TuTe KHwab de ke gaya

wo zindagi ko ye kaisa azab de ke gaya

jo mere paas thā sab luuT le gayā koī

kivāḌ band rakhūñ ab mujhe hai Dar kis kā

jo mere pas tha sab luT le gaya koi

kiwaD band rakhun ab mujhe hai Dar kis ka

tujh pe khul jā.eñge ḳhud apne bhī asrār ka.ī

tū zarā mujh ko bhī rakh apne barābar meñ kabhī

tujh pe khul jaenge KHud apne bhi asrar kai

tu zara mujh ko bhi rakh apne barabar mein kabhi