shahr ke aa.iin meñ ye mad bhī likkhī jā.egī

zinda rahnā hai to qātil kī sifārish chāhiye

shahr ke aain mein ye mad bhi likkhi jaegi

zinda rahna hai to qatil ki sifarish chahiye

har ek aañkh ko kuchh TuuTe ḳhvāb de ke gayā

vo zindagī ko ye kaisā azaab de ke gayā

har ek aankh ko kuchh TuTe KHwab de ke gaya

wo zindagi ko ye kaisa azab de ke gaya

mujh meñ the jitne aib vo mere qalam ne likh diye

mujh meñ thā jitnā husn vo mere hunar meñ gum huā

mujh mein the jitne aib wo mere qalam ne likh diye

mujh mein tha jitna husn wo mere hunar mein gum hua

giregī kal bhī yahī dhuup aur yahī shabnam

is āsmāñ se nahīñ aur kuchh utarne kā

giregi kal bhi yahi dhup aur yahi shabnam

is aasman se nahin aur kuchh utarne ka

ham kisī bahrūpiye ko jaan leñ mushkil nahīñ

us ko kyā pahchāniye jis kā koī chehrā na ho

hum kisi bahrupiye ko jaan len mushkil nahin

us ko kya pahchaniye jis ka koi chehra na ho