کون بدن سے آگے دیکھے عورت کو

سب کی آنکھیں گروی ہیں اس نگری میں

ہجر کی تلخی زہر بنی ہے میٹھی باتیں بھیجو نا

خود کو دیکھے عرصہ گزرا اپنی آنکھیں بھیجو نا

میرے دل کی شاخ پہ جاناں

ہر موسم میں تو کھلتا ہے

ترے گیتوں کا مطلب اور ہے کچھ

ہمارا دھن سراسر مختلف ہے

گو ایک اذیت ہے ترا رنگ تغافل

یہ رنگ کسی اور پہ سجتا بھی نہیں خیر

ستارہ ہے کوئی گل ہے کہ دل ہے

تری ٹھوکر میں پتھر مختلف ہے

فضا یوں ہی تو نہیں ملگجی ہوئی جاتی

کوئی تو خاک نشیں ہوش کھو رہا ہوگا

بلا کی تمکنت سے اب سیاہی بولتی ہے

ہماری چپ سے شہہ پا کر تباہی بولتی ہے