Iftikhar Arif's Photo'

Iftikhar Arif

1940 | Islamabad, Pakistan

One of the most prominent Pakistani poets, famous for his cultural romanticism.

One of the most prominent Pakistani poets, famous for his cultural romanticism.

ḳhvāb tarah bikhar jaane ko chāhtā hai

aisī tanhā.ī ki mar jaane ko chāhtā hai

KHwab ki tarah bikhar jaane ko ji chahta hai

aisi tanhai ki mar jaane ko ji chahta hai

dil pāgal hai roz na.ī nādānī kartā hai

aag meñ aag milātā hai phir paanī kartā hai

dil pagal hai roz nai nadani karta hai

aag mein aag milata hai phir pani karta hai

tum se bichhaḌ kar zinda haiñ

jaan bahut sharminda haiñ

tum se bichhaD kar zinda hain

jaan bahut sharminda hain

ḳhud ko bikharte dekhte haiñ kuchh kar nahīñ paate haiñ

phir bhī log ḳhudāoñ jaisī bāteñ karte haiñ

KHud ko bikharte dekhte hain kuchh kar nahin pate hain

phir bhi log KHudaon jaisi baaten karte hain

mire ḳhudā mujhe itnā to mo'tabar kar de

maiñ jis makān meñ rahtā huuñ us ko ghar kar de

mere KHuda mujhe itna to mo'tabar kar de

main jis makan mein rahta hun us ko ghar kar de

duā.eñ yaad karā ga.ī thiiñ bachpan meñ

so zaḳhm khāte rahe aur duā diye ga.e ham

duaen yaad kara di gai thin bachpan mein

so zaKHm khate rahe aur dua diye gae hum

vafā ḳhair manātā huuñ bevafā.ī meñ bhī

maiñ us qaid meñ huuñ qaid se rihā.ī meñ bhī

wafa ki KHair manata hun bewafai mein bhi

main us ki qaid mein hun qaid se rihai mein bhi

raas aane lagī duniyā to kahā dil ne ki

ab tujhe dard daulat nahīñ milne vaalī

ras aane lagi duniya to kaha dil ne ki ja

ab tujhe dard ki daulat nahin milne wali

miTTī mohabbat meñ ham āshufta-saroñ ne

vo qarz utāre haiñ ki vājib bhī nahīñ the

miTTi ki mohabbat mein hum aashufta-saron ne

wo qarz utare hain ki wajib bhi nahin the

azaab ye bhī kisī aur par nahīñ aayā

ki ek umr chale aur ghar nahīñ aayā

azab ye bhi kisi aur par nahin aaya

ki ek umr chale aur ghar nahin aaya

koī to phuul khilā.e duā ke lahje meñ

ajab tarah ghuTan hai havā ke lahje meñ

koi to phul khilae dua ke lahje mein

ajab tarah ki ghuTan hai hawa ke lahje mein

vahī charāġh bujhā jis lau qayāmat thī

usī pe zarb paḌī jo shajar purānā thā

wahi charagh bujha jis ki lau qayamat thi

usi pe zarb paDi jo shajar purana tha

buland hāthoñ meñ zanjīr Daal dete haiñ

ajiib rasm chalī hai duā na māñge koī

buland hathon mein zanjir Dal dete hain

ajib rasm chali hai dua na mange koi

vahī firāq bāteñ vahī hikāyat-e-vasl

na.ī kitāb ek ik varaq purānā thā

wahi firaq ki baaten wahi hikayat-e-wasl

nai kitab ka ek ek waraq purana tha

payambaroñ se zamīneñ vafā nahīñ kartīñ

ham aise kaun ḳhudā the ki apne ghar rahte

payambaron se zaminen wafa nahin kartin

hum aise kaun KHuda the ki apne ghar rahte

tamām ḳhāna-ba-doshoñ meñ mushtarak hai ye baat

sab apne apne gharoñ ko palaT ke dekhte haiñ

tamam KHana-ba-doshon mein mushtarak hai ye baat

sab apne apne gharon ko palaT ke dekhte hain

ḳhaak meñ daulat-e-pindār-o-anā miltī hai

apnī miTTī se bichhaḌne sazā miltī hai

KHak mein daulat-e-pindar-o-ana milti hai

apni miTTi se bichhaDne ki saza milti hai

hamīñ meñ rahte haiñ vo log bhī ki jin ke sabab

zamīñ buland huī āsmāñ ke hote hue

hamin mein rahte hain wo log bhi ki jin ke sabab

zamin buland hui aasman ke hote hue

mirā ḳhush-ḳhirām balā tez-ḳhirām thā

mirī zindagī se chalā gayā to ḳhabar huī

mera KHush-KHiram bala ka tez-KHiram tha

meri zindagi se chala gaya to KHabar hui

roz ik taaza qasīda na.ī tashbīb ke saath

rizq bar-haq hai ye ḳhidmat nahīñ hogī ham se

roz ek taza qasida nai tashbib ke sath

rizq bar-haq hai ye KHidmat nahin hogi hum se