is hasīn manzar se dukh ka.ī ubharne haiñ

dhuup jab utarnī hai barf ke makānoñ par

is hasin manzar se dukh kai ubharne hain

dhup jab utarni hai barf ke makanon par

kis qadar gunāhoñ ke murtakib hue haiñ ham

jo sukūn luTtā hai baar baar is ghar kā

kis qadar gunahon ke murtakib hue hain hum

jo sukun luTta hai bar bar is ghar ka

kam zarā na hone dī ek lafz kī hurmat

ek ahd kī saarī umr pāsdārī kī

kam zara na hone di ek lafz ki hurmat

ek ahd ki sari umr pasdari ki

hijr kī masāfat meñ saath tū rahā har dam

duur ho ga.e tujh se jab tire qarīñ pahuñche

hijr ki masafat mein sath tu raha har dam

dur ho gae tujh se jab tere qarin pahunche

ek dard kī lazzat barqarār rakhne ko

kuchh latīf jazboñ kī ḳhuuñ se ābyārī kī

ek dard ki lazzat barqarar rakhne ko

kuchh latif jazbon ki KHun se aabyari ki