dukh udāsī malāl ġham ke sivā

aur bhī hai koī makān meñ kyā

dukh udasi malal gham ke siwa

aur bhi hai koi makan mein kya

sāvan kī is rim-jhim meñ

bhiig rahā hai tanhā chāñd

sawan ki is rim-jhim mein

bhig raha hai tanha chand

jis kā Dar thā vahī huā yaaro

vo faqat ham se hī ḳhafā niklā

jis ka Dar tha wahi hua yaro

wo faqat hum se hi KHafa nikla

baḌī mushkil se bahlāyā thā ḳhud ko

achānak yaad terī aa ga.ī phir

baDi mushkil se bahlaya tha KHud ko

achanak yaad teri aa gai phir

kitnā pyārā lagtā hai

hotā hai jab puurā chāñd

kitna pyara lagta hai

hota hai jab pura chand

chhoḌ ke mujh ko kyā gayā vo shaḳhs

tab se sab kuchh hī luT gayā merā

chhoD ke mujh ko kya gaya wo shaKHs

tab se sab kuchh hi luT gaya mera

ik ajab shor bapā hai andar

phir se dil TuuT rahā hai shāyad

ek ajab shor bapa hai andar

phir se dil TuT raha hai shayad

kyā ḳhabar kyā ḳhatā mirī thī ki jo

mujh se rūThā rahā ḳhudā merā

kya KHabar kya KHata meri thi ki jo

mujh se ruTha raha KHuda mera

jo milā toḌtā gayā us ko

dil lagā thā mirā hazāroñ se

jo mila toDta gaya us ko

dil laga tha mera hazaron se

kuchh havā kā bhī haath thā varna

parda yuuñ hī hilā nahīñ hotā

kuchh hawa ka bhi hath tha warna

parda yun hi hila nahin hota

aur to koī thā nahīñ shāyad

raat ko uTh ke maiñ hī chīḳhā thā

aur to koi tha nahin shayad

raat ko uTh ke main hi chiKHa tha

rāz-dāñ hote haiñ vo ghar aksar

jin gharoñ meñ dhuāñ nahīñ hotā

raaz-dan hote hain wo ghar aksar

jin gharon mein dhuan nahin hota

ab kisī kaam ke nahīñ ye rahe

dil vafā ishq aur tanhā.ī

ab kisi kaam ke nahin ye rahe

dil wafa ishq aur tanhai

dil ke ḳhuuñ se bhī sīñch kar dekhā

peḌ kyuuñ ye harā nahīñ hotā

dil ke KHun se bhi sinch kar dekha

peD kyun ye hara nahin hota

kyā ḳhabar kab baras ke TuuT paḌe

har taraf aisī hai ghaTā chhā.ī

kya KHabar kab baras ke TuT paDe

har taraf aisi hai ghaTa chhai

ḳhuub thī ab magar badal sī ga.ī

tere is shahr kī ye tanhā.ī

KHub thi ab magar badal si gai

tere is shahr ki ye tanhai

sadā har baar dohrāyā gayā huuñ

maiñ naġhme kī tarah gaayā gayā huuñ

sada har bar dohraya gaya hun

main naghme ki tarah gaya gaya hun

bas vahī merī āḳhirī shab thī

chāñd jis raat mujh se rūThā thā

bas wahi meri aaKHiri shab thi

chand jis raat mujh se ruTha tha

koī tohfa na haar chāhtā huuñ

maiñ faqat terā pyaar chāhtā huuñ

koi tohfa na haar chahta hun

main faqat tera pyar chahta hun

ḳhvāhisheñ bhī zarūrī haiñ lekin

zindagī ḳhvāhishoñ kī dushman hai

KHwahishen bhi zaruri hain lekin

zindagi KHwahishon ki dushman hai

āḳhirī umr tak rahegī yaad

raat maiñ saath jis ke bhīgā thā

aaKHiri umr tak rahegi yaad

raat main sath jis ke bhiga tha

abhī to mausam-e-ḳhizāñ hai ye

khileñge phuul bhī bahār ke saath

abhi to mausam-e-KHizan hai ye

khilenge phul bhi bahaar ke sath

anā rahtī thī pahle-pahl lekin

hamāre darmiyāñ ab kuchh nahīñ hai

ana rahti thi pahle-pahl lekin

hamare darmiyan ab kuchh nahin hai

faqat chand rusvā.iyoñ ke sivā aur

tire shahr meñ merī kyā aabrū hai

faqat chand ruswaiyon ke siwa aur

tere shahr mein meri kya aabru hai

hamāre darmiyāñ ab kuchh nahīñ hai

magar phir bhī chhupānā chāhtā huuñ

hamare darmiyan ab kuchh nahin hai

magar phir bhi chhupana chahta hun

log aksar yahī batāte haiñ

maiñ jahāñ huuñ vahāñ nahīñ hotā

log aksar yahi batate hain

main jahan hun wahan nahin hota

vo maza ab kahāñ rahā yaaro

liyā thā jo maza javānī meñ

wo maza ab kahan raha yaro

liya tha jo maza jawani mein

āñkheñ maltā rotā chāñd

dekho phir se niklā chāñd

aankhen malta rota chand

dekho phir se nikla chand